ISSIQ-QURUQ IQLIM SHAROITIDA BETON TARKIBIDAGI KIMYOVIY PLASTIFIKATORLARNING TA’SIRI VA SAMARADORLIGINI TADQIQ QILISH

Abstract

Ushbu maqolada issiq-quruq iqlim sharoitida beton aralashmasi tarkibiga kiritiladigan kimyoviy plastifikatorlarning ta’siri va samaradorligi tizimli tahlil qilingan. Yuqori harorat va past namlik sharoitida beton aralashmasidan namlikning tez bug‘lanishi, ishlanuvchanlikning tezkor yo‘qolishi va erta yoriqlar hosil bo‘lishi kabi muammolar keltirib chiqarilib, ularni bartaraf etishda turli avlod plastifikatorlarining (lignosulfonat, naftalin/melaminsulfonat va polikarboksilat efiri asosidagi) o‘rni qiyosiy o‘rganilgan. Laboratoriya sharoitida o‘tkazilgan qiyosiy sinovlar natijasida polikarboksilat efiri asosidagi superplastifikatorlar, ayniqsa gidratatsiyani kechiktiruvchi qo‘shimcha bilan kombinatsiyalangan holda, issiq-quruq iqlim sharoitida beton ishlanuvchanligini uzoq muddat saqlash va mustahkamlik ko‘rsatkichlarini yaxshilash borasida eng yuqori samaradorlikni ko‘rsatgani aniqlangan. Tadqiqot natijalari asosida amaliy tavsiyalar ishlab chiqilgan.